STENBOL - Parêzerên Buroya Asrinê ya Hiqûqê, piştî Şerşêwirmendê Serokwezîr Tayyîp Erdogan û Parlementerê AKP'ê yê Enqereyê Yalçin Akdogan, diyar kir ku wê ji bo ku Rêberê Gelê Kurd Abdullah Ocalan nikaribe talîmatan bide rêxistinê di zagonan de sererastkirinê bikin, bersiv dan û pirsa "Hûn dê van sererastkirinên zagonê di kîdera Makezagonê, DMME'ê û PMME'ê de bi cih bikin" pirsî.


 

ENQERE - Wezîrê Yekîtiya Ewrûpayê yê Tirkiyeyê û Sermuzakerekar Egemen Bagiş, xwest ku Danmark soza/belêna ji bo girtina Roj TV’yê daye bi cih bîne û wiha got: “Em girîngî didin soz û belênên dost û hevkarên xwe, lê em li bendê ne ku êdî sozên hatine dayîn bên cîbicîkirin.”

AMED - Însiyatîfa/Destpêşxeriya Gel a Kurdistanê, operasyon û êrîşên hewayî yên ji aliyê artêşa Tirk a dagirker ve li dijî Qendîlê tên lidarxistin bi zimanekî tund bertek nîşan da û got: “Di encam operasyon û êrîşên hewayî yên ji aliyê Artêşa AKP’ê ya faşîst ve li dijî Qendîlê hat lidarxistin de, 7 mirovên me yên sivîl û 3 hevalên me yên gerîla weke Şehîdên Kurdistana Xweser û Azad dibînin; ji bo girêdayiya bîranînên wan em bang li hemû gelê Kurd, ciwanên Kurd ên fedayî û jinên Kurd ên fedekar û birûmet dikin ku bi geşkirin û mezinkirina serhildanan bibin bersiv.”

KOPENHAG - Di rûniştina doza Roj TV aa li paytexta Denmark Kopenhagê tê birêvebirin de dozger dîmenên weke delîlên têkiliya Roj Tv bi PKK’ê re heye pêşkêşê dadgehê kir. Dozger weşandina nûçeyên weke şer, serdegirtin û çalakiyên gerîlayan mîna propagandaya PKK’ê nirxand.

AMED - Komîsyona Rêxistinkirinê ya KCD'ê encamnameya civîna nirxandinê weşand. KCD wê 27'ê tebaxê de ji Şirnex, Sêrt, Mêrdîn, Amed, Çewlik, Elezîz, Dêrsim û ji bajarên din ber bi xeta sînor a Şirnexê, ji Colemêrg, Îdir, Qers, Agirî, Erzirom, Mûş û Bedlîsê û bajarên din jî ber bi xeta sînor a Colemêrgê ve meşa girseyî ya aştiyê li dar dixe.

HEWLÊR - Nunerên 200 saziyên sivîl ên civakî bi boneya operasyonên Tirkiye yên dersînor şermezar bikin li ber balyozxaneyaTirkiye ya li Hewlerê daxuyaniyek dan û operasyonên artêşa Tirk şermezar kirin. Saziyan xwest Tirkiye lêborîna xwe ji gelê kurd bixwaze.

AMED - Girtiyên ji doza KCK’ê diyar kirin ku veguhestina doza bingehîn a KCK’ê ya ji bo bajarke din tê wateya ‘Bêçaresertiyê’ û got, “Bi gef û şantajan dixwazin teslîmyetê bispêrin me. Bila baş were zanîn ku wê berxwedana me di her şert û mercan de bidome.”

QENDÎL - Bi sedan Mertalên zindî ên ji navçeya Diyana ya Hewlêrê ber bi Qendîlê ve bi rê ketin, gihiştin gundên têne bombebarankirin.