WAN (DÎHA) - Bi dehhezaran kes tevlî merasîma cenazeyê gerîlayê HPG'ê Ayhan Seven ku di operasyona li Dêrsimê de jiyana xwe ji dest da bûn. Leþker, polîs û tîmên taybet ku li derdorê tedbîrên ewlehiyê yên berfireh girtibûn, mudahaleyî merasîmê kirin.
Hêzên ewlehiyê gule berî hewayê dan. Hate hînkirin ku arbedeya ku di navbera girse û hêzên ewlehiyê de derket de birîndar hene. Li gorî agahiyan di dema arbedeyê de otobusekî aîdê Îranê bû jî hate tahrîbkirin.

Malbata Seven ku duh cenaze ji Nexweþxaneya Lêkolînê ya Fakulteya Tibê ya Zanîngeha Firatê ya li Elezîzê girt û piþtî astengiyên li noqteyên Bendava Zernekê û Qereqola Bajaroka Xoþavê ya Payizavayê, gihîþt navçeya Geverê. Piþtî muameleya ji bo definkirinê xilas bû, cenazeyê Seven ji hêla 30 hezar kesî ve bi dirûþma "Þehîd Namirin", ber bi Goristana Navendê ya Geverê ve bi rê ket. Girse, dema di ber lojmanên polîsan de dibhurî, tîmên taybet bê ku hiþyarî bike, guleyên tacîzê berdan hewayê, lê belê girseyê bersiv neda. Hejmara girseya ku her ku diçû zêde dibû, gihîþt 50 hezar kesî. Dema di ber avahiya Þaxa Leþkeriyê de bihurîn, leþker û tîmên taybet dîsa guleyên tacîzê berdan hewayê. Girseyê jî kevir avêtin avahiyên cerdevanan. Li ser vê yekî di navbera girse û hêzên ewlehiyê de li 3 cihên cuda arbede derket. Di pêvçûnê de birîndar hene lê heta niha tu birîndar serî li saziyên tenduristiyê nedaye.

Otobusa Îranê hate tahrîbkirin

Di dema arbedeya li ser riya giþtî ya di navbera Þemzînan û Geverê de, otobusek aydî Îranê ku ji Wanê diçû, ji bo þermezarkirina pêkutiyên li ser kurdên rastî êrîþa girseyê hat. Girseyê bi kevir û daran wesayitê tahrîb kir.

80 hezar kes tevlî merasîmê bûn

Þaredarên Culemêrg, Gever, Þemzînan, Bajaroka Bajirgê (Esendere) û nûnerên rêxistinên civakî yên sivîl di navbera girseyê û hêzên ewlehiyê de navbeyntî kir û dawî li arbedeyê anîn. Piþtî arbedeyê girseya ku hejmara wê nêzî 80 hezarî bû, cenaze anî Goristana Navendê ya Navçeyê ku ji navendê 3 kîlometre dûr e. Piþtî ku cenaze hate definkirin, bi pêþniyara þaredaran û nûnerên rêxistinên civakî yên sivîl, ji bo ku careke din alozî dernekeve, guzergaha rê hate guherandin. Di þûna riya ku tê de hatibûn goristanê de, riya Daglica hate bikaranîn.

Hate hînkirin ku ji bo ku dîsa alozî dernekeve Midûrê Ewlehiyê û Qeymeqamê navçeyê, bi þaredaran û nûnerên rêxistinên civakî yên sivîl re lihev kirine û hêzên ewlehiyê û girseyê aþ kirine.

09.09.2005