AMED (DÎHA) - Ji harfiyata ku tê gotin ji baxçeyê Fermandariya Kolorduya 7'emîn tê derxistin, li cihên cuda yên bajêr tê valakirin û di nava de hestiyên mirovan hene, beşek jî li navenda bajêr hate dîtin. Ji nava harfiyata ku li refuja li nava Xaçerêya Metropolê ya Şaredariya Kayapinarê hatiye valakirin, gelek hestî hatin dîtin. Axa bi hestî hîn jî li Xaçerêya Metropolê di sekine û welatî jî bi meraq lê dinêrin.
Piştî ku hate diyarkirin ku di encama xebatek kolanê ya li baxçeyê Fermandariya Kolorduya 7'emîn de, axa ku di nav de hestî hene li cihên cuda yên bajêr tê valakirin û DÎHA'yê ev yek anî rojevê, derket holê ku heman axa bi hestî li refujek li nava rê ya li navenda bajêr jî hatiye valakirin. Li ser îxbarekî, nûçegihanên me li Xaçerêya Metropolê ya di nava sînorên Şaredariya Kayapinarê de lêkolîn kir û dît ku axa di nav de gelek hestî hene, li refuja li nava rê jî hatiye valakirin. Di dîmenên hatine kişandin de, hestiyên di nava axê de tên dîtin. Tê gotin ku ev ax ji baxçeyê Fermandariya Kolorduya 7'emîn tê derxistin.

21.07.09