Hozan Diyar, di konserên xwe yên li Culemêrg û Geverê de, girseya ku ji 10 hezar kesî zêdetir pêkdihat coşand û awazek rengîn da bajêr.

Hozan Diyar, piştî konserên li navçeya Kopê ya Mûşê û Wanê, li Culemêrgê jî konser da. Diyar, roja 21'ê îlonê li Stadyûma Bajêr a Culemêrgê bi beşdariya bi hezaran kesî konserek li dar xist. Hozan Diyar, bi starên xwe girse çoşand. Girseyê dirûşmên wekî 'Bijî Serok Apo', 'Silav silav ji İmraliyê re hezar silav', 'Ji serok Apo re azadî' û 'Qasîdê aştiyê li Îmraliyê ye' berz kirin. Girseyê stranên Diyar, bi hemawazî qîriya û heta dawiya konserê govend gerand.

Hozan Diyar piştî konsera Culemêrgê, duh êvarê jî li navçeya Geverê li ser riya Şemzînanê bi beşdariya ji 10 hezar kesî zêdetir, konserek da. Girseyê, eleqayeke mezin nîşanî Hozan Diyar da û stranên Diyar bi hemawazî qîriya. Girseyê, ji bo Serokê Gelê Kurd Abdullah Ocalan jî dirûşmên dilsoziyê berz kir.