EDENE (DÎHA) - Jinan li Edeneyê ji bo bibîranîna Zeynep Kinaci (Zîlan) ku di 30'yê pûşpera sala 1996'an de li Dêrsimê çalakiya întîharî li dar xist û jiyana xwe ji dest da, bernameya bibîranînê li dar xist.

Jinên ku li Navenda Çand û Hunera Derya Spî (NÇHDS) hatin cem hev, ji bo bibîranîna Zeynep Kinaci (Zîlan) ku di 30'yê pûşpera sala 1996'an de li Dêrsimê çalakiya întîharî li dar xist û jiyana xwe ji dest da, bernameya bibîranînê li dar xist. Di bernameya ku ji hêla Baskên Jinên DEHAP'ê û jinên NÇHDS'ê ve hate amadekirin de endama Baskên Jinên DEHAP'ê Gulîstan Dehşet, axaftinek kir. Dehşet, balkişand ser tecrîda li ser Serokê Gelê Kurd Abdullah Ocalan û got ku tecrîd her ku diçe zêdetir dibe. Dehşet, li ser wateya çalakiya Kinaci jî rawestiya û nêrînên xwe bi gotinên "Çalakiya ku hevala Zîlan pêk aniye, wekî duh îro jî xwedîwateyeke pir mezin e. Zîlan, bi parçekirina laşê xwe bersiva daxwaza tunekirin û tunehesibandina gelê me da" anî ziman. Piştî axaftina Dehşet bername, bi nîşandana reqsê ya ku xebatkarên NÇHDS'yê pêşkêş kirin û xwendina helbestan dom kir. Di bernameya ku bi stranên li ser Zîlan berdewam kir de klama ku dayîkekê xwend, hemû kesên ku beşdar bûn bi girî xist.

30.06.2005