Politika-Li Hewlerê êrîşeke bombeyî pêk hat, herî kêm 20 kes mirin û 70 kes jî birîndar bûn.

<



Êrîş duh sibê bi kamyoneke bombe barkirî, li hemberî avahiya Wezereta Karên Hundurîn pêk hat.

Di encama êrîşê de herî kêm 19 kes jiyana xwe ji dest dan û 70 kes birîndar bûn.

Wezîrê Tenduristî yê Herêma Kurdistanê Dr.Ziryan Osman êrîş wekî êrîşeke terorîstî nirxand û dazanîn ku, di nava kesên jiyana xwe ji dest dane de, tevî karmend û wezîfedarên ewlekariyê, kesên sivîl jî hene.

Wezîr Dr. Ziryan Osman anî ziman ku, ji birîndaran rewşa 10 kesan girane.

Berpirsyarê polîsên Hewlerê Ebdulxalîq Telat jî diyar kir ku, ew texmîn dikin, di kamyona hatiye teqandin de, qasî 800 kîlo TNT hebûye.

Di vê navberê de, ji ber êrîşê mal û kargehên li derdora wezeretê jî gelek zirar dîtin.

10.05.2007