Politika-Li bajarên Almanya Gîesse û Malburgê polêsan doh serê sibê ser komeleya Navenda Çanda Kurd a Mezopotamya û gelek malên kurdan ve girt. Di encama serdagirtinan de serokê komeleyê Alî Aktaş û yek ji endamê komeleyê Ekrem Eşîyok û li Malburgê jî Abdurrahman Demîr hate binçavkirin.

Li gor agahiyên hatiye bi destxistin, polêsên Alman doh serê sibê saet di 05.00’an de, li bajarên Gîessen û Malburgê Almanyayê, di heman demê de avêtiyê ser komeleya Navenda Çanda Kurd a Mezopotamya a li Gîessenê û mala serokê komeleyê Alî Aktaş û mala endamê komeleyê Ekrem Eşîyok û Malburgê jî mala Abdurrahman Demîr. Di dema serdagiritinan de derî hatine şikandin û eşyayê malan hatiye belvakirin û herwiha gelek eşyayê li malan û komeleyê jî ji aliyê polêsan ve hatiye desteserkirin. Di encama serdagirtinan de Alî Aktaş û Ekrem Eşîyok hate binçavkirin û hê jî di bin çavan de ye. Polîtîka ya dewleta Alman a li hemberî kurdan her ku diçe hişktir dibe. Her çiqas dewleta alman van serdegirtina weke ‘muxalefetiya li dijî kanûna komeleyan û alikariya bi KONGRA GEL’ ve bide girêdan jî gelê kurd vê yekê wek buyêrên siyasî bi nav dike. Bi van serdagirtinên dawî re, di sala 2007’an de ev cara 5’mîn e ku polêsên Alman ser bê mal û saziyên kurdan ve digrin. Di encama serdagiritinên îsal de zêdetirî 132 mal, komele û sazîyên kar ê kurdan hate lêgerîn û bi dehan kes hate binçavkirin. Yekitiya Komelên Kurd ê li Elmanya yê (YEK-KOM) jî ev bûyare şermezar kir. Herî dawî di 5’ê Tîrmehê de polêsan li bajarên Munîh, Koln û Baden Wurtenbergê di heman wextê de avêtî bû ser 28 mal, komele û saziyên kurdan ê li van bajaran û nivîskarê rojnameya me Haydar İşik jî di navde zêdetirî 20 Kurdistanî hatibû binçavkirin. Di vê navberê de hate ragihandin ku kesên hatine binçavkririn, ji bo lêpirsînê birine Wisbaden ê.

27.07.2007