STENBOL (DÎHA) - Sîteya înternetê ya aydî Weqfa Mehmetçîk a Hêzên Çekdar a Tirk ya bi navê www.tsk.org.tr, ji aliyê gruba hacker a kurd a bi navê Patriotic Hackers ve hate hackerkirin.
Sîteya înternetê ya aydî Weqfa Mehmetçîk a Hêzên Çekdar a Tirk ya bi navê www.tsk.org.tr hate hackerkirin. Di rûpela yekemîn a sîteyê de wêneyê Rêberê PKK'ê Abdullah Ocalan û pankart hatine bicihkirin û cih daye nivîsa, "Em ji dil û can piştgiriyê didin agirbesta ku Rêberê PKK'ê Abdullah Ocalan û KKK'ê îlan kirî. Em li bendê ne ku hemî saziyên dewletê piştgiriyê bidin vê pêvajoyê. Divê di vê dema ku ala aştiyê hatiye daliqandin de, divê destê aştiyê yê ji dewleta tirk re hatiye dirêjkirin, paşve neyê vegerandin. Em naxwazin mirin destpê bikin." hatiye bicihkirin.

07.10.2006