NAVENDA NÛÇEYAN (DÎHA) - Rojnameya Îngîlîstanê The Tîmesê têkildarî rapora di bin serokatiya Wezîrê Karê Devre yê berê yê Amerîkayê James Baker de hatî amadekirin, agahiyên berfireh dan. Di rapora dê piştî kongeray Amerîkayê ya meha rezberê bê aşkera kirin de, tê destnîşankirin ku Iraq neçar e pergala federalîzmê bi cih bîne.

Wezîrê Karê Devre yê berê yê Amerîkayê James Baker rapora bi komîsyanekê re têkildarî polîtîkaya Amerîkayê ya Iraqê amadekirî de, agahî dan rojnameya Îngîlîstanê The Tîmesê. Rapor ji bo Kongreya DYA'yê hatî amade kirin, dê piştî kongreya meha rezberê aşkera bike. Di raporê de agahiyên guherandina polîtîkaya DYA'yê ya li Iraqê tên vegotin.

Di raporê de tê destnîşankirin ku tehlîkeya ji bo leşkerên Amerîkî û Îngîlîstanê herî mezin komên serhildêr in û ev tişt tên ragihandin: "Bes ev demek e ji ber têkoşîna di navbera şiî û suniyan de hêzên hevpeyman tenê di dema van pevçûnan rawestînin de, leşkerên xwe winda dikin. Bes ev pevçûnên di nav iraqiyan de derdikevin, êdî yekpariya Iraqê ji holê rakirine. Iraq neçar e pergala federalîzmê bi cih bîne. Divê êdî Amerîka dest ji yekpariya Iraqê berde. 18 eyaletên Iraqê hene û ji bo van lazim e federalîzmek pir nerm bê avakirin. Ji bo vê yekê lazim e bi Suriye û Îranê re jî diyalog bê danîn."

Hêzên kurd jî bangek heman kiribûn

Li Iraqê ji xwe kurdan niha dewletek federal ava kiriye û dixwazin federalîzm li tevahiya Iraqê bê bi cihanîn. Her wiha berî ev rapor di çapemeniyê de derkeve jî 3 roj berî niha Serokomarê Iraqê Celal Talabanî daxuyandibû ku divê ji bo çareseriya pirsgirêkan DYA bi Îran û Suriyeyê re bikeve nav diyalogê. Demek berî niha jî Wezîra Karên Derve ya DYA'yê Rîce ji bo xilaskirina şideta li Iraqê banga li Îranê kiribû. Li gorî pisporan ev teva bingeh danîna guherînên polîtîkaya DYA'yê ya li Iraqê ye.

19.10.2006