AW29.02.2008 DOKH dê çalakiyên xwe yên bi minasebeta 8’ê Adarê Roja Jinan a Cîhanê, bi dirûþma, “Li hemberî þer, tundî û bênasnamebûyînê gotina me ya herî dawî Êdî Bes e” di 1’ê adarê de li Pirsûsa Rihayê bi mîtîngeke girseyê bide destpêkirin. Jinên ku wê ji Tirkiye û herêmê beþdarî mîtîngê bibin, dê hem operasyona bejayî ya dersînor þermezar bikin û hem jî êþên ku jinan di 25 salên rewþa bi pevçûn de jiyane vebêjin û daxwaza xwe ya aþtiyê dubare bikin
Endama Meclîsa Jinan a DTP’ê Þukran Dîkmen, têkildarî xebatên ji bo 8’ê Adarê dimeþînin agahî dan. Dîkmen, wiha axivî: “Wekî her sal dê îsal jî 8’ê Adarê bi coþeke mezin bê pêþwazîkirin. Ji bo vê yekê amadekariyek me ya mezin heye. Divê armanca 8’ê Adarê þiyarbûna mezin a jinên ku bi hezar salan hatine pelçiqandin be. Li hemberî zilmê û pêkûtiyê jinên kurd û yên cîhanê bi zanebûneke mezin têkoþînê didin. 8’ê Adarê bo me pir dîrokî ye.”

‘Birîn hîn zêdetir kûr dibin’

Dîkmen, diyar kir ku bi operasyona bejayî re birîna hatiye vekirin hîn kûrtir bûye û wiha pê de çû: “Îsal di çalakiyên 8’ê Adarê de herî zêde em dê daxwaza bidawîkirina operasyonan bînin ziman. Li hemberî vî þerî wê jinên kurd seknek bi wate nîþan bidin.” Dîkmen, der barê bernameya xwe de jî wiha got: “Bernameya me ya 8’ê Adarê wê di 1’ê adarê de li Pirsûsê dest pê bike. Di çarçoveya bernameya ku di navbera 1 û 8’ê adarê de pêk bê de wê mitîng, panel û semîner bên lidarxistin. Ne tenê jinên kurd em hêvî dikin ku hemû jinên li hemberî þer disekinin, beþdarî vê mîtîngê bibin. Wê li 25 cihên cuda yên Tirkiyeye mitîng bên lidarxistin. Di çarçoveya bernameyê de wê þahî jî pêk bên. Ev þahî ne ji bo coþê, wê li gorî naveroka demê bên pêkanîn.” Dîkmen, di dawiya axaftina xwe de anî ziman ku divê hemû kurdên li hemberî þer derkevin kolanan û wiha got: “Pêwîst e pêþengiya vê yekê jî jin bikin. Em êdî dixwazin ku rondikên çavên dayikan û xwîna tê rijandin bi dawî bibe. Ji ber vê yekê wakî jinan em dê hemû li ser piyan bin.”

YJA STAR’ê banga serhildanê kir

Fermandariya YJA STAR’ê der barê pevçûnan de daxuyaniyeke nivîskî da. Di daxuyaniya xwe de Fermandariya YJA STAR’ê bangî jinan kir û got ku divê hemû jin li dijî operasyonên Artêþa Tirk li qadan nerazîbûnên xwe nîþan bidin. Fermandarî, destnîþan kir ku li qada Zapê þer ku her diçe zêde dibe û li vê qadê hêzên YJA STAR’ê jî hene. Ew hêz jî bi rihê fedaîtiya Zîlan ber xwe dide. Di daxuyaniyê de hate gotin ku li dijî înkar û îmhayê divê jinên kurd derkevin qadan û ber xwe bidin. Her wiha hate destnîþankirin ku hêzên gerîla û gelê kurd bi berxwedanê dê bi ser bikevin.

Operasyon hate þermezarkirin

Meclîsa Jinan a DTP’ê ya bajarê Colemêrgê bi jinan re li avahiya partiyê civînek li dar xist. Di civîna 8’ê Adarê ku operasyona li hemberî Baþûr hate þermezar kirin de, daxwaza dawîkirina operasyonê hate kirin. Di civînê de operasyona dersînor bi tundî hate þermezarkirin. Di civîna zêdeyî 200 jinan beþdar bûn de xebatên 8’ê Adarê jî hatin nirxandin û plansazî hate çêkirin. Di daxuyaniyê de hate diyarkirin ku di 1’ê adarê de dê daxuyaniyeke girseyî bê dayîn, di 8’ê adarê de li Geverê û di 9’ê adarê de jî li Colemêrgê mitîng bêne lidarxistin.

Dê li Pirsûsê bêjin ‘Êdî bes e!’

Endamên DOKH’ê, têkildarî mitînga 8’ê Adarê ku dê di 1’ê adarê de bê lidarxistin, li Komeleya Jinê ya Mala Jiyanê daxuyaniyek dan çapemeniyê. Zubeyde Teker, got ku jinan di pêvajoya têkoþîna dîrokî de bêyî ku ferqa zayendî, etnîkî, ziman, çand, netew û nasnameya olî bikin, ji bo aþtî û demokrasiyê têkoþîn kiriye. Teker, da zanîn ku ji ber vê sedemê tu sîstemeke bîrdozî, kevneþopî, olî, aborî û polîtîk nikarin kuþtina jinê ya li ser navê namûsê, derkirina ji jiyana siyasî û civakî, kêmdîtina keda wê, rewa nîþan bidin. Teker, wiha got: “Em ê li dijî neheqiyan, þer, tundî, bênasnameyî û ji kuþtinên jinan re ‘Êdî Bes e’ biqîrin.”

Li dijî operasyonan li qadan bin

Endamên DOKH’ê li Edeneyê der barê xebatên 8’ê Adarê de civînek li dar xist. Þaredara Kuçukdikiliyê Leyla Guven di civînê de bal kiþand ser operasyonan. Guven, da zanîn ku operasyon ne tenê li ser PKK’ê li ser statuya kurdan a Baþûr pêk tê. Guven, destnîþan kir ku di operasyonan de gelek vindabûnên dewletê çêbûne, ji hêla madî û leþkerî ve û wiha got: “Dilê me hem ji bo HPG’ê û hem jî ji bo leþkeran diþewite û em dibêjin çima civanên vî gelî di nava þer de tên kuþtin. “ Guven, da zanîn ku dê di 8’ê Adarê de gel xwedî li çand, ziman, nasnameya xwe derkevin û li dijî operasyonan nerazîbûnên xwe nîþan bidin.

Li ser ‘Roja Jinan’ semîner

Koçka Qamiþlo ya çandî þevek ji bo mafê jinan, berî Roja Jinên Cîhanê li dar xist, bi tevlibûna çalakvana mafê jinan Dr. Mîdya Mehmûd semînerek hate lidarxistin. Di semînerê de mamosta Mîdya bal kiþand ser karîna jina kurd bi çespandina jinitiyê di jiyan û dîrokê de ku mil bi mil bi mêr re di hemû qonaxên jiyanê de hevbeþ bû û hevala wî ya bê dilman û bê westan bû, ta di hinek bûyeran de þûna mêr girtiye bi serkêþiya hêz û rêveberiya cengê jî û bi nimûneyan teqez kir û nexasme ji gotinên mîjûristên cîhanî mîna Acata Krîstî û Basîlî Niktin. Di dawiyê þîrovekirinê de bpasî li Koçka Qamiþlo hate kirin.

Lez dan amadekariyan

Li Çanakkaleyê jinên endamê DTP’î lez dan xebatên xwe. Rêvebera bajêr a DTP’ê Mîhrîban Þah, diyar kir ku ji ber operasyonan nikarin îsal 8’ê Adarê bi coþ pêþwazî bikin, dê di 8’ê Adarê de li dijî operasyonan li qadan bin. Þah, da zanîn ku êdî naxwazin ciwanên kurd û tirk di nava þerê qirêj de jiyana xwe ji dest bidin, dê ji bo aþtiyê li qadan bin û têbikoþin. Her wiha rêvebera bajêr Adîle Yalçin jî bal kiþand ser þer û got ku dayik bi salan in êþa zarokên xwe dikiþînin û bila êdî ev þer biqede. Yalçin, da zanîn ku ev qas girîngiyê didin operasyonan bila girîngiyê bidin aþtiyê.

Rêzeçalakiyan li dar bixin

DOKH û Platforma Jinan a Êlihê, bernameya xwe ya têkildarî 8’ê Adarê zelal kir. Di civîna ku li avahiya Rêxistina DTP’ê ya bajêr bi jinan re hate lidarxistin de, pêþnûma bernameyê hate nîqaþkirin û li ser esasê pêþniyarên hatin kirin çalakiyên wê di meha Adarê dê bên lidarxistin, hatin zelalkirin. Bernameya çalakiyan wiha ye: 1’ê adarê: Wê bi 2 otobusan tevlêbûna mitînga di 1’ê adarê de li navçeya Pisûsa Rihayê bê lidarxistin bê kirin. Dê 7’ê adarê de wê li Mala Gel a Ahmet Kaya semînerek ku Parlamentera Êlihê Ayla Akat Ata jî beþdar bibe bê lidarxistin. Dê di 8’ê Adarê de mitîngek bê lidarxistin û endama Koma Azad Þîlan konserê bide.